Breaking News

அநியாயத்துக்குனு டேட்டா தின்னும் யூட்யூப் குறைக்க ஒரு ஈஸியான வழி இருக்கு

அநியாயத்துக்குனு டேட்டா தின்னும் யூட்யூப் குறைக்க ஒரு ஈஸியான வழி இருக்கு
யூட்யூப்ல.. நேரம் போனதே தெரியல.. எல்லா டேட்டாவும் போயிடுச்சு.. இதுக்கெல்லாம் ஒரு முடிவே கிடையாதா.. இருக்கு.

யூட்யூப் மிகவும் போதைக்குரிய ஒன்றாக இருக்கலாம், குறிப்பாக நீங்கள் வீட்டிற்குள் இருக்க வேண்டிய கட்டாயத்தில் இருக்கும்போது (முன் குறிப்பு: நமக்கு வேற வழியும் இல்லை என்பது தான் யதார்த்தம் அதைப்பற்றி பேசினால் டாப்பிக் மாறி விடும் மக்களே!)

நீங்கள் ஒரு சுவாரஸ்யமான ஷார்ட் யூட்யூப் வீடியோவைப் பார்க்கத் தொடங்குவீர்கள், பின்னர் அதை பலருக்கும் ஷேர் செய்வீர்கள், கூடவே ஒரு சில விடீயோக்களை தொடர்ந்து பார்ப்பீர்கள். நீங்கள் உணர்ந்து கொள்வதற்கு முன்பு, நீங்கள் YouTube இல் சில மணிநேரங்களை செலவிட்டு முடித்து இருப்பீர்கள், கூடவே உங்களை டேட்டாவையும் தான்.

இம்மாதிரியான சூழ்நிலைகளானது யூட்யூப் பார்த்த நேரத்துக்கு இந்த வேலையை முடிச்சு இருக்கலாம் என்று நினைத்து சிலரை குற்ற உணர்ச்சியில் ஆழ்த்தக்கூடும் அல்லது அநியாயமாக 1.5ஜிபி டேட்டா போயிடுச்சே ராத்திரி 1 மணி வரிக்கும் நான் என்ன பண்ண போறேனோ தெரியல என்று சிலரை டென்ஷனுக்கு உள்ளாக்கலாம்.

இப்படியான சிக்கலில் இருந்து தப்பிக்க யூட்யூப் தளத்திலேயே ஒரு ஈசியான வழி இருக்கிறது. அது - தினசரி அடிப்படையில் நீங்கள் எவ்வளவு நேரம் யூ ட்யூப்பில் செலவிடுகிறீர்கள் என்பதை நீங்களே அறிய உதவும் ஒரு அம்சமே ஆகும்.

அதெப்படி?

யூட்யூப் நிறுவனம் அதன் ஆண்ட்ராய்டு மற்றும் ஐஓஎஸ் ஆப்களில் Digital wellbeing (டிஜிட்டல் நல்வாழ்வு) அம்சத்தை வழங்குகிறது. இந்த அம்சம் உங்களின் யூட்யூப் பயன்பாட்டு நேரத்தை கணக்கிட அனுமதிக்கிறது. இதை செயல்படுத்தி பார்க்க நீங்கள் செய்ய வேண்டிய எளிமையான வழிமுறைகள் இதோ:

- உங்கள் ஐபோன் அல்லது ஆண்ட்ராய்டு ஸ்மார்ட்போனில் உள்ள YouTube ஆப்பைத் திறக்கவும்

- மேல் வலது மூலையில் உங்கள் ப்ரொபைல் ஐகானை கிளிக் செய்யவும்.

- பின்னர் Time watched எனும் விருப்பத்தை கிளிக் செய்யவும், அவவ்ளவுதான்!

இப்போது தினசரி சராசரி நேரம் மற்றும் வாராந்திர புள்ளிவிவரங்களை மேற்கோள் காட்டி YouTube இல் நீங்கள் எவ்வளவு நேரம் செலவிட்டீர்கள் என்பதற்கான டாஷ்போர்டு காட்சியை ‘Time watched’ எனும் அம்சம் உங்களுக்கு வழங்கும். இந்த அம்சம் YouTube Music ஆப்பில் நீங்கள் செலவழித்த நேரத்தை உள்ளடக்காது என்பது இங்கே குறிப்பிடத்தக்கது.

YouTube-இல் நீங்கள் குறைந்த அளவிலான நேரத்தை செலவிட உதவும் மற்ற சில செட்டிங்ஸ்-களும் உள்ளன. அதில் "Remind me to take a break" எனும் அம்சம் முக்கியமான ஒன்றாகும்.

இதேபோல "“Remind me when it’s bedtime"எனும் அம்சமும் யூட்யூப்பில் அணுக கிடைக்கிறது, இது நீங்கள் தூங்கச் செல்லும் நேரத்தை செட் செய்ய உதவுகிறது மற்றும் குறிப்பிட்ட நேரம் வரும் போது ஆப்பை க்ளோஸ் செய்துவிட்டு தூங்கச் செல்லுமாறு பரிந்துரைக்கும். மேலே உள்ள அம்சங்களை பயன்படுத்த விரும்பாதவர்கள் குறைந்தபாசத்தம் “Autoplay next video" அம்சத்தினை ஆப் செய்து வைக்கலாம்.

No comments